Forsíða

Innskráning

Nýskráning

Fréttir

  • Dagsferð í Stykkishólm

    Að morgni 18. júlí lagði vaskur hópur félagsmanna af stað, ekið var sem leið lá í gegnum fagrar sveitir landsins í blíðskaparveðri, þar til komið var í Stykkishólm. Þar var ferðinni heitið í siglingu um Breiðafjörð með Særúnu, þar sem við skoðuðum fjölskrúðugt fuglalíf og eyjar og var okkur sagt frá og sagðar sögur af svæðinu. Settur var niður poki sem dreginn er eftir sjávarbotni og síðan dreginn upp og gefst þátttakendum kostur á að bragða á því fiskmeti sem dregið er upp og var því vel tekið. Það sem ekki var borðað fékk að fara aftur í sjóinn. Veðrið var eins dásamlegt og hugsast getur, bjart, sólríkt, nánast logn og hlýtt.
    Að loknum hádegisverði var farið í skoðunarferð og vorum við svo heppinn að Gunnar Svanlaugsson fyrrverandi kennari og skólastjóri frá Stykkishólmi tók að sér að segja okkur frá staðnum, við byrjuðum í kirkjunni, fórum hring um bæinn og enduðum í Vatnasafninu. Því næst gátu ferðalangar gert það sem hugur þeirra stóð til uns lagt var af stað til Reykjavíkur með viðkomu í Landnámssetrinu í Borgarnesi þar sem snæddur var kvöldverður.
    Frábær ferð með góðu fólki og hjálpaði veðrið mikið til að gera þessa ferð minnnisstæða.

    Lesið 53 sinnum
  • Göngur í maí

    Þann 6. maí var gengið um Elliðaárdalinn og gengnir stígar í skóginum í miðjum dalnum.  Það hafði rignt um morguninn og þvílíkur gróðurilmur.

    Þann 13. maí var farið inn í skóginn við Rauðavatn, það rigndi hressilega þennan dag og var reynt að ganga sem mest inni í þéttum trjáþyrpingum til að fá skjól fyrir rigningunni.  Fengum okkur hressingu hjá Olís í Norðlingaholti.

    Þann 20. maí var lagt upp frá Selásskóla og gengið sem leið lá í gegnum hverfið og á göngubrú yfir í Norðlingaholt og þar gengið í stóran hring og það var eins og við værum komin langt upp í sveit, þvílík fegurð og friður.  Að göngu lokinn buðu Þóra og Bjarni göngumönnum í kaffi heima hjá sér í Árbænum.

    Síðasta gangan var mánudaginn 27. maí og þá var gengið um Laugardalinn og garðurinn skoðaður í vor/sumarskrúða.

    Myndir: Marta Sigurðardóttir

     

    Lesið 98 sinnum
  • Gangan 29. apríl

    Hópurinn hittist  við eiðið á Geldinganesi og gekk síðan sem leið lá yfir eiðið í blíðskaparveðri og inn að námu, en það er stórt skarð þar sem efni var sótt í þegar verið var að fylla upp fyrir Sundahöfnina á sínum tíma.  Í dag er það orðið gróið og fallegt á að líta. Eftir gönguna var farið á kaffihús og setið yfir spjalli og veitingum.

    Myndir: Marta Sigurðardóttir

    Lesið 115 sinnum
  • Gangan 1. apríl

    Í göngu FKE 1.4. s.l. mættu alls 14. Gengið var frá Suðurhlíðum út í Nauthólsvík í dásamlegu veðri og fylgst með sjósundfólki. Kaffi í Bakarameistaranum í Austurveri á eftir.

    Myndir: Pétur Bjarnason

    Lesið 119 sinnum
  • Gangan 25. mars

    Þann 25. mars var gengið um Fossvogsdalinn.

    Gangan er talin sú lengsta sem hópurinn hefur gengið í senn fram til þessa, því 5,6 km voru lagðir að baki á klukkutíma og tíu mínútum.

    Í leiðbeiningum sem gefnar voru til að finna  bílastæðið í Fossvogi var nefnd leiðin niðureftir, stundum kölluð Milli lífs og dauða.

    Einn göngumanna, Skarphéðinn Guðmundsson, Siglfirðingur laumaði vísu til göngustjóra:

    (Hugsað til Lykla-Péturs)

    Viljum með Pétri gjarnan ganga

    um göngustíga næstum auða.

    En skrítið er líka að langa

    á leið milli lífs og dauða.

    Myndir: Pétur Bjarnason

    Lesið 154 sinnum

Viðburðir

Göngur í maí

Göngur í maí

Fréttir

Þann 6. maí var gengið um Elliðaárdalinn og gengnir stígar í skóginum í miðjum dalnum.  Það hafði rignt um morguninn…

Lesa meira...
Hátíðarfundur 2. mars 2019

Hátíðarfundur 2. mars 2019

Fréttir

Hátíðafundurinn var haldinn laugardaginn 2. mars s.l. á Grand Hótel. Vegna góðrar aðsóknar, en um 110 manns sóttu fundinn, var…

Lesa meira...
Vetrarstarfið hafið

Vetrarstarfið hafið

Viðburðir

Félags- og fræðslufundur verður á Grand Hótel 6. október kl. 13:30.Þar verður dagskrá vetrarins kynnt, sagt og sýnt frá ferðum…

Lesa meira...
Gönguferðir

Gönguferðir

Viðburðir

Fyrsta ganga var mánudaginn 1. okt. kl. 13:30. Ákveðið hefur verið að ganga einu sinni í viku, ca. klukkutíma í senn…

Lesa meira...
Félagsvist og bridds í vetur

Félagsvist og bridds í vetur

Viðburðir

Við höfum leigt sal á annarri hæð í skátaheimilinu Vífilsfelli (Jötunheimar)í Garðabæ. Húsið er við Bæjarbraut. Frá Hafnarfjarðarvegi er ekið…

Lesa meira...
Þórsmerkurferð 18. júlí

Þórsmerkurferð 18. júlí

Þórsmerkurferð 18. júlí. Brottför í Þórsmerkurferð 18. júlí er frá bílaplani við Olísstöðina í Norðlingaholti (við Rauðavatn), en ekki frá BSÍ, vegna þrengsla þar.…

Lesa meira...
Fundargerð aðalfundar FKE 2017

Fundargerð aðalfundar FKE 2017

Aðalfundir

Fundargerð aðalfundar FKE 2017Aðalfundur Félags kennara á eftirlaunum var haldinn á Grand Hótel í Reykjavík að lokinni dagskrá á hefðbundnum…

Lesa meira...

Á döfinni

  • Ganga 13. maí

    Á dagskránni á morgun var að ganga yfir í Norðlingaholt, en veðurspáin er ekki sérstök, svo við ætlum að bregða fyrir okkur betri fætinum og mæta á Olísstöðina  í Norðlingaholti og fara í göngu í skóginum (vörn fyrir regni og vindi) við Rauðavatn, ef veðrið verður betra en við gerum ráð fyrir finnum við góðar gönguleiðir á svæðinu.

    Eftir göngu verður fínt að fara í kaffi hjá Bakarameistaranum í Krónunni/ Húsgagnahöllinni.

    Lesið 99 sinnum
  • Næsta ganga 6. maí

    Mánudaginn 6. maí ætlum við að ganga um Elliðaárdalinn og munum við hittast við Atlantsolíu við Sprengisand kl. 13.

    Lesið 106 sinnum
  • Aðalfundur FKE 6. apríl 2019

    Stjórnarkjör á aðalfundi FKE 6. apríl, 2019
    Í stjórn FKE eru nú: Pétur Bjarnason, formaður, Guðmundur Kristmundsson, Guðrún Ólafía Samúelsdóttir, Halldór Þórðarson, Kristín Ísfeld, hefur starfað sem staðgengill Kristjáns Sigfússonar, sem þurfti að láta af störfum, Marta Sigurðardóttir, og Sigurlín Sveinbjarnardóttir.
    Pétur Bjarnason lætur af starfi formanns eftir sex ára stjórnarsetu, þar af tvö sem formaður FKE.
    Formaður er kosinn til eins árs.
    Tillaga stjórnar í embætti formanns: Marta Sigurðardóttir, sem nú er í stjórn FKE.
    Þeir tveir stjórnarmenn sem kosnir voru til tveggja ára í fyrra hafa báðir óskað að láta af störfum.
    Aðrir stjórnarmenn sem óska endurkjörs voru kosin til eins árs í fyrra, þannig að kjósa þarf nú um alla stjórnarmenn.
    Tillaga stjórnar FKE að stjórnarfólki er eftirfarandi:
    Í aðalstjórn:
    Kosin til tveggja ára: Guðmundur Kristmundsson og Kristín Ísfeld.
    Kosin til eins árs: Halldór Þórðarson og Guðrún Erla Björgvinsdóttir.
    Í varastjórn til eins árs: Gunnlaugur Dan Ólafsson og Valborg Elísabet Baldvinsdóttir.

    Tillaga stjórnar um skoðunarmenn reikninga: Egill Sigurðsson og Þorvaldur Jónasson.

    Lesið 181 sinnum
  • Hátíðarfundur 2. mars

    Stjórn FKE minnir á hátíðarfundinn á Grand hótel 2. mars kl. 13:00 stundvíslega. Ath.: Þetta er hálftíma fyrr en venjulega vegna matarins, en það verður vel útilátinn brunch að hætti Grand.

    Verð kr. 3.000

    Meðal skemmtiatriða verður Ekkókórinn með glænýja og skemmtilega söngskrá og Hundur í óskilum skemmtir okkur með sínum hætti og léttir okkur lundina. Svo er aldrei að vita hvað ber til annað.

    Skráið þátttöku með netpósti á This email address is being protected from spambots. You need JavaScript enabled to view it. til að tryggja ykkur pláss, helst fyrir 25. þ.m. eða hafið samband við stjórnarmenn FKE.

    Stjórn FKE.

     

    Lesið 131 sinnum
  • Grandfundur laugardaginn 2. febrúar

    Næsta laugardag, 2. febrúar verður fundur á Grand Hóteli með hefðbundnu sniði og hefst kl. 13:30

    Spiluð verður félagsvist og Grandveisla á eftir með kaffi og  góðu meðlæti.

    Pétur Bjarnason, formaður FKE verður með innlegg eftir kaffið þar sem hann segir frá arnfirskum alþýðufræðimanni, Ingivaldi Nikulássyni og nokkrum af verkum hans.

    Verðið er það sama og fyrr, kr. 2.000.

    Mætum vel og skemmtum okkur saman.

    Stjórn FKE.

    Lesið 139 sinnum
Details
(optional)
Please use a valid mail address
Bad Password
Passwords do not match
(optional)
Avatar
Cancel