-
Forsíða
- Fréttir
Innskráning
Nýskráning
Hátíðarfundur í FKE var haldinn á Grandhóteli 6. maí s.l. og var það jafnframt síðasti fundur vetrarins.
Fundurinn hófst kl.13 á mjög fjölbreyttum og góðum ,,Bröns“ hádegisverði.
Eftir góðar veitingar og spjall kom Kristján Gíslason, svonefndur ,, Hringfari“ og sagði frá og sýndi myndir
úr ævintýralegri mótorhjólaferð um Chile og Patagoníu en Kristján er fyrsti Íslendingurinn sem hefur
ferðast á mótorhjóli í kringum hnöttinn. Hann hjólaði nærri 48.000 km um fimm heimsálfur á 10
mánuðum. Oft hefur kona hans Ásdís Rósa verið með í för. Var einstaklega skemmtilegt að hlusta á
Kristján. Hann er áheyrilegur og mjög óvenjulegur ævintýramaður sem hefur frá mörgu merkilegu að
segja.
Að síðustu söng EKKÓ kórinn nokkur lög bæði með gestum og einn sér.
Fundinn sóttu 55 manns auk nokkra kórfélaga sem komu eftir matinn og erindið.
Voru þetta góð lok á vetrinum. Fólk skemmti sér vel og var afar þakklátt fyrir samveruna og starfsemi
FKE.
Spila- og skemmtifundur var haldinn á Grandhóteli 4. febrúar 2023. Að venju var byrjað á að spila félagsvist.
Vinningshafar að þessu sinni voru: Sigurlaug Einarsdóttir og Elísabet Magnúsdóttir.
Þá var kaffihlaðborð og meðan á því stóð lásu Guðfinna Ragnarsdóttir, Ragnar Björn og Kjartan upp úr nýútkominni bók Guðfinnu ,, Á vori lífsins“.
Ragnar Björn og Kjartan eru barnabörn Guðfinnu.
Vakti lestur þeirra og túlkun einstaklega mikla hrifningu.
Að síðustu sögðu Gunnlaugur Dan og Guðrún Erla frá þeim ferðum FKE sem áætlaðar eru í sumar og haust.
52 gestir sóttu fundinn sem var mjög vel heppnaður.
Myndir Halldór Þórðarson
Jólafundur FKE var haldinn á Grandhóteli 3. desember 2022.
73 félagar og gestir sóttu fundinn. Spilað var á 12 borðum og vinningshafar voru fyrir hönd kvenna Jóna Sveinsdóttir og fyrir hönd karla Lena Rist.
EKKÓ kórinn söng og tóku gestir vel undir sönginn.
Síðan var boðið upp á heitt súkkulaði, kaffi og meðlæti.
Myndir: Halldór Þórðarson
8. þing Kennarasambands Íslands var haldið á Grandhóteli 1.- 4. nóvember 2022. Fimm fulltrúar frá FKE sóttu þingið sem var mjög fjölmennt, afar upplýsandi og tókst vel.
Þingfulltrúar frá FKE voru, talið frá vinstri: Skarphéðinn Guðmundsson, Kristín Ísfeld, Guðmundur Björn Kristmundsson, Guðrún Erla Björgvinsdóttir og Valborg E. Baldvinsdóttir.
.
Félag kennara á eftirlaunum hélt spila- og skemmtifund á Grandhóteli 5. nóvember 2022.
Fundinn sóttu 53 félagar og gestir.
Spilað var á 9 borðum og spilaverðlaun hlutu Ásdís Gunnarsdóttir og Eiríkur Ellertsson.
Eftir félagsvistina var að venju kaffi og kökuhlaðborð. Á meðan gestir nutu veitinga las Kristín Björg Sigurvinsdóttir úr bók sinni ,,Dóttir hafsins“ sem kom út 2020. Bókin var tilnefnd til Barna – og ungmennaverðlauna fljótlega eftir að hún kom út.
Myndir:Halldór Þórðarson
Fyrsti spila- og skemmtifundur haustsins var haldinn á Grandhóteli 1. október 2022. Spilað var á 8
borðum og voru vinningshafar í félagsvistinni Jóna Sveinsdóttir og Gunnlaugur Dan Ólafsson. Eftir að
spilamennsku lauk var glæsilegt kaffihlaðborð að venju og á meðan gestir nutu veitinga var myndasýning
og frásagnir af ferðalögum sumarsins. Um 40 manns sóttu fundinn.
Fundur á Grandhóteli laugardaginn 5. mars 2022
Fundurinn var auglýstur að vanda og menn beðnir um að skrá sig. Alls sóttu 24 fundinn og var hann sá fámennasti í langa hríð. Þar má eflaust kenna um erfiðri færð og hálku.
Spilað var á 4 borðum og hlutu Guðrún Ellertsdóttir og Egill Sigurðsson verðlaun, sem voru fallegir pakkar með íslensku smjöri og harðfiski. En sá siður hefur verið að veita slík verðlaun á þorra eða sem næst honum.
Svavar Knútur, söngvaskáld, flutti nokkur lög og ræddi tungumálið og tónlistina. Góður rómur var gerður að hans hlut í dagskránni.
Fundarmenn gæddu sér á góðum veitingum að hætti Grandhótels.
Fundargerð skráði Guðmundur B. Kristmundsson í fjarveru ritara.
Meira...
Spila- og skemmtifundur FKE var haldinn á Grandhóteli laugardaginn 4. desember 2021. Spilað var á 10 borðum og urðu vinningshafar í félagsvistinni, Kristín Jónsdóttir og Sigríður Teitsdóttir, en hún spilaði sem karl. Aukaverðlaun fékk Ingibjörg Valdimarsdóttir. Eftir félagsvistina skemmti Ekkó-kórinn við mikinn fögnuð gesta.
Þá tók við kaffihlaðborð og spjall sem fólk tók þátt í af greinilegum áhuga og gleði.
Fundurinn var mjög vel sóttur.
Myndir: Guðrún E. Björgvinsdóttir
Spila- og skemmtifundur FKE var haldinn á Grandhóteli 6.nóvember 2021.
Spilað var á 8 borðum og eftir það gengið að glæsilegum kaffiveitingum. Á meðan fólk gæddi sér á tertum og brauði las Þórarinn Eldjárn smásögu úr bók sinni ,,Umfjöllun“.
52 sóttu fundinn og var mjög góð stemmning og mikið spjallað.
Vinningshafar í félagsvistinni voru: Guðrún Ellertsdóttir og Pétur Bjarnason.
Með þeim á myndinni er Ingibjörg Júlíusdóttir sem afhenti verðlaunin.
Myndir: Guðrún E. Björgvinsdóttir
Fundurinn hófst á dögurði (bröns) kl.12:30. Afskaplega góður matur og fjölbreyttur. Eftirréttur var kaffi og smákökur. 75 manns sótti skemmtunina.
Þegar fólk hafði lokið við að borða kom Gissur Páll Gissurarson og söng við undirleik Árna Heiðars Karlssonar. Ætlaði fagnaðarlátum aldrei að linna, svo mikil var hrifningin og gleðin yfir söng og píanóleik.
Þá kom Þórður Helgason kennari og sagði sögur úr kennslu frá mismunandi tímum. Allir kennarar hafa gaman af slíku.
Þegar mat og skemmtun var lokið var haldinn aðalfundur félagsins.
Myndir:Halldór Þórðarson
Fyrsti félagsfundur FKE þetta starfsár var haldinn á Grand Hóteli 06.október 2018.
45 félagsmenn sátu fundinn.
Dagskrá:
1.Guðrún Samúelsdóttir kynnti vetrarstarf félagsins
2.Marta Sigurðardóttir sagði frá ferðum á vegum félagsins sumarið 2018
3.Guðmundur Kristmundsson flutti erindið “Litið til baka”.
4.Kaffi og Kökuhlaðborð
Fleiri myndir
