Myndbönd

Innskráning

Nýskráning

Administrator

Fimmtudagur, 02 Apríl 2020 14:50

Frestun aðalfundar

Aðalfundi FKE sem átti að vera laugardaginn 4. apríl verður frestað um óákveðinn tíma.

Póstur verður sendur á alla félaga þegar þeim takmörkunum á samkomum sem nú eru í gildi verður aflétt.

Föstudagur, 27 Mars 2020 17:35

416. stjórnarfundur

416. stjórnarfundur FKE, haldinn á heimili formanns kl. 9:00 13. mars 2020

Mættir voru: Marta Sigurðardóttir formaður, Guðrún Erla Björgvinsdóttir ritari, Kristín Ísfeld gjaldkeri, Halldór Þórðarson vefstjóri og Gunnlaugur Dan Ólafsson meðstjórnandi. Fjarverandi voru: Guðmundur Björn Kristmundsson varaformaður og Valborg Elísabet Baldursdóttir meðstjórnandi.

Formaður setti fund kl.9:10

  1. Ferðin til Alta:
    Guðrún Erla kannar hjá Valborgu hvort hún kjósi frekar að hafa ,,Litlu fluguna“ í lagavali til Alta eða ,,Snert hörpu mína“.
  2. Aðalfundur:
    Aðalfundi FKE verður frestað um óákveðinn tíma. Í næstu stjórn vantar tilnefningu til formanns og meðstjórnanda.
  3. Ferðakönnun:
    Í ferðakönnun sem birt var í síðasta fréttabréfi kom fram að félagar í FKE kjósa helst að fara í borgarferðir. Í könnuninni var valið um borgarferðir, rútuferðir eða sólarlandaferðir.
  4. Innanlandsferðir: 
    Ferðin að Smyrlabjörgum er áætluð 24.-25. ágúst og ætlar Gunnlaugur Dan að ræða við Kára Jónasson um pöntun á rútu og mat. Þeir ákveða svo í sameiningu hvar sé heppilegast að stoppa á leiðinni, borða og fara á snyrtingu. Miðvikudaginn 15. júlí er áætluð ferð í Borgarfjörð og ætlar Gunnlaugur Dan að tala við Eirík Jónsson, sem fæddur er og alinn upp í Reykholti, um hvort hann væri til í að vera leiðsögumaður í ferðinni.
  5. Önnur mál: 
    Stjórnarmenn FKE greiða ekki í ferðir eða fyrir heimsóknir á söfn sem félagið stendur fyrir, enda sjá þeir um að sinna gestum og ganga í þau störf sem þörf er á meðan á heimsókn stendur.
  6. Næsta fréttabréf kemur út í maí og þarf allt efni í það að vera tilbúið í apríl

Næsti fundur verður 5.maí kl.10

Fundi var slitið kl.10:30

Föstudagur, 27 Mars 2020 11:16

2020

Janúar

Laugardagur, 07 Mars 2020 00:44

Niðurfelling hátíðarfundar

Í ljósi atburðarásar síðustu daga, yfirlýsingar yfirvalda um neyðarástand og vonda veðurspá, auk töluverðrar fækkunar þátttakenda hefur stjórn félagsins ákveðið að hætta við fyrirhugaðan hátíðarfund.

Fimmtudagur, 05 Mars 2020 13:36

Hátíðarfundurinn 7. mars

Hátíðarfundur FKE verður haldinn á Grandhóteli laugardaginn 7. mars og hefst með borðhaldi kl. 13:00. Veislustjóri verður Hinrik Bjarnason. EKKÓ kórinn mun syngja og  Bergþór Pálsson og Albert Eiríksson gleðja okkur með söng og spjalli.
Veitingar kosta 3000 krónur á mann, en félagið niðurgreiðir afganginn. Vinsamlegast greiðið með peningum, því að félagið á ekki posa.

Hlökkum til að sjá ykkur og gleðjast með ykkur.

 

Miðvikudagur, 05 Febrúar 2020 10:38

Grandfundur 1. febrúar

Spilafundur FKE var haldinn á Grand Hóteli 1. febrúar 2020.

Spilað var á 9 borðum og urðu vinningshafar Pálína Jónsdóttir spiladrottning og Sigríður Einarsdóttir spilakóngur en hún spilaði fyrir hönd karla. Hlutu þær að launum harðfisk og smjör.

Eftir kaffi og meðlæti hélt Gunnlaugur Dan Ólafsson erindi sem hann nefndi ,,á Spáni á“ Gunnlaugur hefur reynslu af því að búa á Spáni og kynnast daglegu lífi fólks sem þar býr. Var erindið mjög áhugavert og gott.

Fundinn sóttu 48 félagsmenn og gestir.

Myndir:Halldór Þórðarson

Laugardagur, 25 Janúar 2020 11:46

415. stjórnarfundur

415. stjórnarfundur FKE, haldinn á heimili formanns kl. 10:30 22. janúar 2020

Mættir voru: Marta Sigurðardóttir formaður, Guðmundur Kristmundsson varaformaður, Guðrún Erla Björgvinsdóttir ritari, Kristín Ísfeld gjaldkeri, Halldór Þórðarson vefstjóri, Gunnlaugur Dan Ólafsson og Valborg Elísabet Baldvinsdóttir meðstjórnendur.

Formaður settir fund kl.10:30

  1. Hátíðarfundur 7. mars:
    Fundurinn hefst kl.13:00 með hádegisverði (Brunch). Verð er kr.3000 – og er niðurgreitt af félaginu. Fullt verð er kr. 4600. Ákveðið að reyna að fá Pétur Bjarnason sem veislustjóra og athuga með Bergþór Pálsson og/eða Albert maka hans til þess að skemmta. Ekkó –kórinn mun syngja.
  2. Fréttabréfið:
    Halldór var með drög að næsta Fréttabréfi en bætt var inn upplýsingum sem fram komu á fundinum s.s. að safnaferð verður í Perluna 12. febrúar kl.13:30. Skoðaðar verða tvær sýningar, Undur íslenskrar náttúru og norðurljósasýningin Áróra. Verð kr.2245- og innifalið í verði er kaffi og kleina. Þá var aðeins rætt um Bókmenntaklúbbinn. Marta ætlar að kanna hvort ekki komi fljótlega að því að flutt verði af Laufásvegi inn í Borgartún og þá þarf að vinna að því að gera klúbbinn sjáanlegri og meira spennandi.
  3. Ferðalangar til Alta:
    Kristín Ísfeld og Valborg Elísabet eru ákveðnar í að fara í ferðina. Gunnlaugur Dan og Guðrún Erla eru ekki alveg ákveðin. Gunnlaugur ætlar að hafa samband við ferðaskrifstofu og athuga með flug og verð. Guðrún Erla skoðar hvaða lög við eigum að leggja til að verði sungin í Alta.
  4. Sumarferðir:
    Rætt um tveggja daga ferðina að Smyrlabjörgum 24. -26. ágúst. Kári Jónasson verður fararstjóri. Gunnlaugur Dag ætlar að hafa samband við hótelið, láta bóka nægilega mörg herbergi þessa daga og athuga verð.
  5. Uppstillingarnefnd:
    Á næsta aðalfundi þarf að kjósa í stjórnina nýjan fomann og vefstjóra. Æskilegt er að allir stjórnarmenn skoði vel hugsanlegt fólk í þessi embætti. Guðrún Erla talar við Jóhann Ólafsson um hvort hann gefi kost á sér í stjórn.
  6. Önnur mál:
    Hvernig er staða eldri kennara á landinu utan Reykjavíkur. Er eitthvað sem við getum gert til þess að ná betur til þeirra sem eru utan höfuðborgarsvæðisins? Fleira ekki gert

Fundi slitið kl.12:10

Sunnudagur, 19 Janúar 2020 23:30

Gangan 20. 1.

Á morgun, mánudag 20. hittumst við hjá Glæsibæ kl. 13:00.
Vonandi verður betra með bílastæði en síðast enda jólaösin gengin um garð.
Hafið mannbroddana tiltæka.
Kaffi í Bakarameistaranum Glæsibæ um tvöleytið.

Þriðjudagur, 14 Janúar 2020 16:29

414. stjórnarfundur

414. stjórnarfundur FKE var haldinn á heimili Kristínar Ísfeld, Árskógum 1a 19. desember 2019 kl. 9:00

Mættir voru: Marta Sigurðardóttir formaður,  Guðmundur Kristmundsson varaformaður,  Guðrún Erla Björgvinsdóttir ritari,  Kristín Ísfeld gjaldkeri,  Halldór Þórðarson vefstjóri, Gunnlaugur Dan Ólafsson og Valborg Elísabet  Baldvinsdóttir meðstjórnendur.

Fundur var settur eftir góðan morgunverð hjá Kristínu.

  1. Hugmyndir að efni á spila- fræðslu- og skemmtifundi:
    11. janúar verður Margrét Jónsdóttir með erindi um hreyfingu.
    1. febrúar ætlar Gunnlaugur Dan að halda erindi um það hvernig er að dvelja  ,,Spáni á“
    7. mars sem er hátíðarfundur mun  Ekkó kórinn koma fram. Gunnlaugur Dan ætlar að tala við Eyþór Inga um hvort hann geti komið og skemmt á fundinum.

  2. Rætt um ferðir á söfn/ sýningar. Stefnum á að skoða sýninguna í Perlunni um miðjan febrúar. Biðja Gunnar í Perlunni að gera okkur tilboð.

  3. Smyrlabjörg 2ja daga ferð í ágúst og reyna að fá Kára Jónasson sem fararstjóra.
    Þá væri eins dags ferð í Borgarfjörð í júlí æskileg. Skoða svo hugsanlega utanlandsferð í haust.

  4. Fréttabréfið kemur út í janúar og þarf allt sem fara á í bréfið að vera tilbúið um miðjan janúar. Góður kostur væri að setja hlekk úr fréttabréfinu með áhugakönnun um hvert fólk vilji helst ferðast,  vill það fara í Borgarferðir eða sólarlandaferðir.

  5. Hveragerði 2021 – Ákveðið var að taka seinna tilboðinu sem Gunnlaugur fékk frá AD Travel.  Þarf aðeins að láta vita að það gætu orðið fleiri þátttakendur en búið var að nefna. Talað var um 80 í tilboðinu en þeir gætu hugsanlega orðið 90.  Hvað ætlum við að gera þessa daga? Hugsanlega fara Reykjaneshring, til Vestmannaeyja og eitthvað fleira.  Guðrún Erla og Gunnlaugur ætla að skoða hvernig dögunum verði hugsanlega varið.

  6. Alta 2020. Hverjir úr stjórninni hafa áhuga á að fara í ferðina í júní? Fljótlega þarf að taka ákvörðun um það.

  7. Önnur mál:Guðmundur og Halldór ætla að setja saman texta fyrir áhugakönnun, Borgarferðir eða sólarlandaferðir.

  8. Fundi slitið kl.11.50
Sunnudagur, 12 Janúar 2020 16:44

Grandfundur 11. janúar 2020

Fyrsti fræðslu- og spilafundur FKE  á þessu ári var haldinn á Grand Hóteli 11. janúar. Spilað var á 5 borðum og urðu Margrét Barðadóttir og Karl Guðmundur Karlsson efst. Hlutu þau að launum harðfisk og stórt stykki af smjöri.

Eftir félagsvistina var gengið að fallega skreyttu kaffiborði með ljúffengum veitingum.

Margrét Jónsdóttir íþróttakennari hélt erindi um nauðsyn hreyfingar og lét hún fundargesti taka þátt í ýmsum æfingum sem auðveldar eru til þess að stunda heima.

Var létt yfir hópnum og hafði fólk greinilega mjög gaman af erindi Margrétar.

 Myndir: Guðrún Erla Björgvinsdóttir

Page 1 of 13