Tilkynning vegna skráninga í ferðir 2026

Fljótshlíðarferð – enn laus sæti

Í dagsferðina um Fljótshlíðina eru enn nokkur sæti laus, en við reiknum með að hún fyllist líka innan skamms.

Stokkhólmsferð – síðustu sætin!

Um hádegi 20. janúar voru 7 sæti laus í Stokkhólmsferðina, sem er sérferð hjá Ferðaskrifstofu eldri borgara. Félagar og makar í FKE nota skráningarorðið sem hefur verið sent á skráða meðlimi félagsins í pósti.

Þau sem hafa áhuga ættu að bregðast hratt við – þessi ferð fyllist líklega fljótt.

Göngugarparnir – nýjar upplýsingar á heimasíðunni

Upplýsingar um mánudagsgöngur Göngugarpanna birtast nú á viðburðadagatali á heimasíðu félagsins. Yfirleitt ættuð þið að geta séð upplýsingar um næstu göngu á laugardegi eða sunnudegi.

Göngurnar eru einnig auglýstar á Facebook-síðunni okkar: Félag kennara á eftirlaunum (FKE). Ef þið eruð ekki í hópnum, biðjið einhvern sem þið þekkið að bæta ykkur inn.

Eins verður póstur sendur á þá félagsmenn sem þess óska og hafa skráð sig á póstlista Göngugarpanna, en skráningareyðublað er á heimasíðu félagsins á slóðinni https://fke.is/gonguhopur-fke

Næsta samkoma – laugardaginn 7. febrúar

Við hittumst í Áskirkju laugardaginn 7. febrúar. Dagskráin verður létt og skemmtileg:

Félagsvist
Stutt dagskrá eða tónlistaratriði
Kaffi og meðlæti
Og það mikilvægasta: að hittast, spjalla og njóta samverunnar

Nánari upplýsingar verða auglýstar síðar.